نهاد أبو القمصان: قانون الولاية تغير في السعودية للأم والأب.. إحنا متأخرين

علقت نهاد أبو القمصان رئيسة المركز المصري لحقوق المرأة نهاد أبو القمصان على الجدل المجتمعي الذي أثاره مسلسل "تحت الوصاية" بعد عرضه في شهر رمضان من بطولة الفنانة منى زكي، حول ضرورة إعادة النظر في قانون الولاية المالية للأبناء. 
وقالت نهاد عبر صفحتها الرسمية على موقع التواصل الاجتماعي "فيس بوك":"السعودية غيرت قانون الوصاية ٢٠١٩ يعنى من ٤ سنين ، عملت تعديل ان ‎( رب الاسرة الأب أو الأم  )، ناس كثير بتقول ( قانون الوصاية لازم يتغير ) بعد ما شافت فى مسلسل تحت الوصاية المهزلة اللى بتعيشها الستات بسبب قانون الولاية على المال اللى اتعمل من ٧٥ سنة - سنة ١٩٥٢ النهاردة والستات بتعمل كل حاجة". 
وتابعت نهاد حديثها وقالت:"لازم القانون يتغير مش بس فى حالة وفاة الاب فقط ، وانما فلسفة القانون تتغير وتتعامل مع الاسرة كوحدة واحدة ما يدخلش فيها حد خارجى طول ما احد الزوجين موجودلان  لو الاب موجود ومنفصل عن الام او مسافر 
الام ما تقدرش تعمل حاجة من غير العم او الجد مثلا فى حال ان الاب مسافر لازم يبعت توكيل للام  او العم علشان يعمل لولاده باسبور او يتعامل مع البنوك علشان كدا القانون لازم يتغير بشكل عام ليناسب واقع الحياة دلوقتى ودا اللى عملته السعودية من ٤ سنين". 
واستطردت أبو القمصان:" لما  عملت تعديلات على نظام الأحوال المدنية بالمملكة العربية السعودية 2019 تنص على ‎( رب الاسرة الأب أو الأم )‏‎بموجب المرسوم الملكي رقم م/134 وتاريخ 27/11/1440هـ الموافق (30 يوليو 2019م)‏‎تعديل المادة (91) ليصبح نصها " يعد رب الأسرة في مجال تطبيق هذا النظام هو الأب أو الأم بالنسبة للأولاد القصر".مش محتاجين تروحو بعيد بصوا على جيرانا فى السعودية ارض الرسالة والرسول ارض الحرم واعملو زيها على الاقل محدش يطلع يقول دا شرعى واللا مش شرعى 
راجعو  بس قوانين الدول العربية والاسلامية تلاقو الحل 
و تلاقونا متأخرين قوى".